Граѓанска храброст
by Yugolancer
Posted on Wednesday, January 16, 2019
Има една работа која ми е многу чудна. Напросто ми е мистерија.
Значи, кога пендрекот навистина работеше, а не само пендрекот, туку и голи оток, сепак имаше луѓе кои се бунеа против Тито.
Со причина, или без причина, воопшто не навлегувам во тоа, имало луѓе со тестиси кои се дигаа против сериозен играч. Со оваков или онаков успех тие луѓе се бореа т.е. трпеа.
Мојот кумашин Бузо одбиваше да земе пензија, после 25 години поминати на голи оток. Не сакаше ништо од тој систем.
Денеска, кога оваа граѓанска храброст не чини ниту еден шамар, нема еден со тестиси како оние луѓе од тоа време.
Запрашајте се колку од овие граѓански протестанти на само еден шамар, би почнале да викаат - секоја му чест на Заев.
Јас мислам дека на еден шамар, барем 50% би се зачлениле во СДСМ. Се гледа каков човечки материјал е тоа.
Каков пендрек!?
Таква е таа граѓанска храброст и едноставно такви сме ние како луѓе. Нема помош тука.